Estivadas

Sosten al Festenal Interregional de las Culturas Occitanas

FacebookTwitterRssSoundCloud

Estivada 2013

En 2013, l’Estivada festeja sos 20 ans ! Un aniversari tot simbolic, mai per “marcar lo còp”, amb un concèrt excepcional de la Oc-Connection (Lou Dalfin, Papet J, Nadau, Lo Còr de la Plana, Mascarimirì, André Ricros, los Bohaires…). Pel primièr còp, l’Estivada signa un acòrd d’escambi amb la Fira Mediterrània de Manresa, çò que permet d’aculhir d’artistas catalans a l’Estivada e de mandar d’artistas occitans se produire a Manresa, dins aquel grand salon professionalizant. Aculhiguèrem doncas, per sagelar aqueste pacte, Roger Mas i la Cobla Sant Jordi, Pep Gimeno e Obrint Pas, per çò que serà lor darrièr concèrt en França (e en Occitània). Mas 2013 foguèt tanben una annada malaisada per l’Estivada, en rason de marridas condicions meteò que nos obliguèron a l’annulacion parciala de la primièra serada (Gasconte foguèt escorcit e la Cobla poguèt pas tocar) tant coma de la darrièra, empachant aital de profitar dels espectacles de Sud Sound System, lo Còr de la Plana e Fai Deli. Mas perdèm pas l’esper de poder un jorn tornar programar aquestes gropes ! La tempèsta nos esparnhèt pas, mas marquèt tanben la fin de nòstre sejorn a Borran, amb la promessa d’un tornar al centre-vila de Rodés, e permetèt tanben de mesurar l’estacament e lo sosten dels rodaneses (e mai largament dels occitans) a lor festenal.

Programa

Sud Sound System / Lo Còr de la Plana / Obrint Pas / Mauresca / Mascarimirì / Lou Tapage / Oc-Connection (Lou Dalfin, Papet J, Joan de Nadau, Lo Còr de la Plana, Mascarimirì, Andrèu Ricròs, Duo Matta-Rouch, Arnaud Bibonne) / Roger Mas i la Cobla Sant Jordi / Gasconte / Fai Deli / Le Bal à Bistan / Lhi Balòs / Pass’Aires / Big Band Trad / Talabast / La Madalena / Enco de Botte / Pep Gimeno / L’Auvergne Imaginée / Guillaume Lopez / Mosaïca / Théâtre du Maquis / Chavaroche & Champeaux / Bab al Corassan / Mets Ta Veste Rouge / Ardalh / Renat Sette / Yves Durand & Arnaud Cance / Imatge e Conte / Didier Tousis / Louis Pastorelli / Jean-Luc Sauvaigo / Silvan Chabaud / Jean-Paul Creissac / Jean-Claude Forêt / Frédéric Fijac / Danièle Hoursiangou / Eric Fraj / Jan dau Melhau / Miquèla Stenta

Galariá

Leave a Reply