Estivadas

Sosten al Festenal Interregional de las Culturas Occitanas

FacebookTwitterRssSoundCloud

Estivada 2011

Cambiam tot ! O casi. Las òbras (previstas) per l’instalacion del Musèu Soulages sul Jardin del Fieiral oblitjan l’Estivada a se trobar un luòc novèl. Serà, per aquest’an e aquest’an sonque, lo Malh de Borran, una plaça estirada, situida aprèp lo viaducte, dins lo barri de Borran. L’ocasion per nosaus de teissar de relacions novèlas amb los vesins nòstres ! Ne gardam puslèu un bon sovenir, de nòstre passatge sul Malh, l’escomesa de gardar l’ambient familial del festenal nascut a l’espòca del Fieiral nos pareissèt capitada, mas un molon de problèmas d’infraestructura, d’accès, son venguts complicar la causa. Sul programa, obrissèm plan los braces als catalans, que lo Parlament adoptèt dins l’annada una lei de cò-oficialitat de l’occitan sus lor territòri. Ara, l’Estivada se farà pas pus sens Catalonha ! Eram virats cap a la Mediterranèia las annadas passadas, aqueste còp es un arc atlantic qu’ensajam de dessenhar, amb la preséncia dels asturians de llan de Cubel e del breton Gilles Servat. La Region Peitau-Charentas rejunh l’Estivada al titol de la Charenta Lemosina. Ara, es plan l’ensemble de las regions occitanas que son recampadas sus un projècte comun. Es istoric : pel còp, l’Estivada ganha son titol de Festenal Interregional de las Culturas Occitanas !

Programa

Gilles Servat / Du Bartàs / Lou Dalfin / La Troba Kung-Fu / Llan de Cubel / Coriandre / Nadau / Sèm de Caors / Los Romegaires / Venta Civada / Bal Occitano-Catalan / Corne d’Auròc / Xavier Vidal / Patrick Vaillant / Balaguèra / Luc Aussibal / Joan-Pau Verdier / Enlòc / HiTilh / Gojats of Hédas / Didier Tousis / Liza / Sorrom Borrom / Henri Maquet / Scènes de Familha / L’Erba d’Agram / Aurea / Les 7 Bonheurs de Pénéolpe C

Galaria

Picatz per l’aver en mai grand

Avètz de fòtos de l’Estivada en 2011 ? Mandatz-nos las a communication@estivada-rodez.eu en disent se volètz èstre creditat o pas, e las apondrem a la galaria !

De videòs foguèron fachas a l’Estivada en 2011, las podètz tornar trobar sus la pagina correspondenta.

Leave a Reply