Estivadas

Sosten al Festenal Interregional de las Culturas Occitanas

FacebookTwitterRssSoundCloud

Qual avenidor per l’Estivada ? (Collectiu de Sosten a l’Estivada)

Una Actu de 01/12/2015 | 121 comentaris

La fin de l’Estivada 2015 aviá daissat en suspens un nombre cèrte de questions e d’interrogacions, dins lo public, los partenaris, los organizators del festenal, dins la prensa, de questions a las qualas degun èra sul moment en mesura de respondre. Zo podèm far ara, al mens en partida, fòrts d’una “nòva libertat retrobada”, segon la tarribla e consagrada perifrasa. E vòl plan dire çò que ditz abitualament : aprèp l’edicion de l’Estivada 2015, la Vila de Rodés, per la votz de son conse e dins una letra tant oficiala que se pòt, exprimiguèt sa volontat de tornar veire la mestresa d’òbra del festenal e d’en tornar prene l’organizacion en regia directa, valent a dire en intèrne. L’associacion Org&Com, qu’assegurava lo supòrt administratiu del festenal dempuèi 10 ans, tant plan coma la còla tota, salariada o pas, que trabalhava sul festenal e qu’o sabiá far, paran doncas la maquina e l’activitat.

A aqueste cambiament radical dins la vida del festenal, cap de motiu foguèt particularament avançat, sonque de rasonetas budgetàrias, dins un borbolh economic que coneissèm totes e que tòca lo monde de la cultura dins son ensemble. Mas i a, plan segur e coma dins cada rompadura, de rasons, que fargan un fialat nogat fin-fin de causas e de consequéncias a las originas de còps foscas e trebolas. Çò segur, e que podèm dire, çò que devèm quitament dire respècte als benevòls e als publics que portèron e acompanhèron fins aquí lo festenal, es que l’estat actual de las causas raja de las marridas relacions e dels problèmas de comunicacion entre la Vila de Rodés e la còla en carga de l’organizacion del festenal, tant plan coma d’un contèxte politicò-economicò-cultural mai global.

Siguem onèstes : l’Estivada èra pas un festenal perfièch (mas es que n’i a solament un ?), d’aquí lo besonh de cada an sul mestièr tornar metre l’obratge, aquò dins de condicions plan sovent malaisadas. Perque òc, las condicions d’organizacions foguèron malaisadas, e s’aclapèron progressivament dempuèi d’eleccions de 2008 que vegèron arribar un novèl director, lo darrièr en data, aquel que capitèt, a la fin finala, de far “melhor amb mens”, per un festenal bracejat al ritme de baissas de subvencions en partida provocadas per un contèxte economic tristós. En partida sonque.

Sens brica de volontat de polemicar, a l’ora que l’estacament a l’Estivada se fa desinteressat, podèm pas far sens agachar coma la degradacion seriosa de las relacions minèt lo festenal. Una degradacion generala, patida per totes los actors del territòri rodanés e belament constatada de còps que i a : de las pichonas incomprenesons de cada jorn entre faseires e decideire als anaments fastigoses, longaruts e inutiles al moment d’avançar d’elements concrets, en passant per de sostens defalhents, de vertadièras crisis de desfisança, la manca d’enveja, de nhaca, las desconeissenças pregondas del fach e dels dorsièrs culturalas aplombadas amb assegurança, las pesuguesas administrativas e las leugierats executivas, e de biais general un calendièr politic plan tròp eslonhat del pichon agenda de l’accion concrèta, tot aurà menat a l’installacion d’un climat deletèri.

Diguem-zo francament : lo mai sovent la maquina virava void. La còla de l’Estivada aurà pauc tastat la reconeissença politica locala del trabalh menat, del desvolopament, de la vida portada al territòri o de sa capacitat a, sus un temps cortet, l’animar. Pièger : amb lo temps un vertadièr dialòg de sords se serà installat, renforçat per la transparéncia o l’abséncia dels interlocutors, la desaparicion o l’abandon progressiu dels darrièrs sostens afirmats al dintre del conselh municipal, la manca d’acompanhament e d’interès del “dorsièr Estivada” per las elegidas successivas a la cultura e l’installacion d’un autòcratisme e d’una fòrça d’inercia absoluts a totes nivèls. Tant d’elements responsables de la precarizacion del festenal, forma efemèra se n’es, e tanben de totes sos salariats e partenaris. Indecisions, frejolum, atissada legitima davant de besucariás debatudas tròp longtemps, tot aurà contribuit a dreiçar d’entravadisses que mascavan lo perpaus e lo sens del festenal, lo condemnant a l’estagnacion, dins l’incapacitat de se porgir los mejans de son necessari desvolopament.

Son pas que d’elements de constat concrets, mas nos gardarem plan de nos replegar sus de regrets. Çò qu’es fach es fach, e sauriá pas èsser desfach. Non, çò que nos anima uèi son de plan realas inquietuds. Las solas valablas : aquelas que concernisson un avenidor comun. Rendem-nos compte un momenton de çò que representa l’Estivada : a l’ora actuala lo sol espaci-temps de cultura e de lenga occitana, lo sol en tot cas qu’amasse tantes partenaris, artistas, associatius, idèias, proposicions…en ofrissent als estatjants del territòri lor pròpi festenal, dins lor vila. Compte tengut de la situacion actuala de l’occitan, compte tengut de la situacion actuala de Rodés, l’importància d’un eveniment coma l’Estivada es vitala. Mai que sa sola subrevida, sa vida dèu èsser guidada per una ambicion e una energia incommensurabla. E tot aquò crentèm d’o veire pas pus. Que la Vila de Rodés tòrne prene lo cordèl, rai. En esperant plan segur qu’aquò li balhe lo vam d’interès que manifestèt pro pauc fins ara. En esperant que desplegue los mejans justes, a la nautor de çò qu’es e dèu èsser l’Estivada. En esperant que capite d’esvitar los escuèlhs inconscientament ligats a la “cultura occitana” e, d’en primièr, la folclorizacion. En esperant qu’age enveja d’aqueste raionament interregional, transfrontalièr, que l’eleve al-delai de Rodés en tot i gardar de raices seguras. En esperant que lo portatge dirècte per de servicis tecnics d’una municipalitat arribe a s’afranquir de sos pròpes limits en tèrmis de realizacion, de decision, d’organizacion. En esperant lo respècte degut als professionals de la cultura, als artistas, als tecnicians que fan fòrs e mòrs de mestièrs vertadièrs, malgrat las rumors persistentas. En esperant que l’Estivada siá e demòre lo festenal de la lenga e de la cultura occitana. En esperant…

De tot aquò, n’avèm a l’ora d’ara pas la coá d’una garantia quitament aprèp qu’una candidata a las eleccions regionalas aja clamat que “l’Estivada demorariá un festenal interregional a Rodés”, una simpla declaracion extracha d’una mar de promesas.

Es per aquò que rampelam totes los ciutadans estacats a l’Estivada, lo festenal interregional de las culturas occitanas, a far valer lors dreches al prèp de la Vila de Rodés, e a manifestar lor sosten amb fòrça e conviccion, en formulant amb nosautres aquestas questions : Qual avenidor per l’Estivada ? Qual contengut ? Qual(s) budget(s) ? Quala ambicion ? Qual projècte ?

Las inquietuds que fasèm valer, e que pensam tanben èsser las vòstras, dèvon menar de responsas claras del monde politic, que deurà assumir sa posicion sus l’avenidor del festenal en tèrra rodanesa e mai generalament sus aquel de la lenga e de la cultura occitana. Serèm atentius, e convidèm tot lo monde a o èsser, a totas las dralhas dobèrtas sus una o de seguidas, a una represa d’aquel projècte, que siá menat a demorar a Rodés, a reviscolar alhors o, perque pas, a se pluralizar.

Desiram que que ne siá lo bon coratge al novèl pòle en carga de l’Estivada a la Vila de Rodés.

Collectiu de Sosten a l’Estivada

Carrat negre

121 Comentaris

    • je soutiens l appel

    • Sostèni tanben !

      • Segur que sosteni !

    • Sosteni, de segur, l’Estivada qu’es lo recampament mai bèl d’Occitania (lo sol?)

    • Devem un brave marces a l’equip que surtis. Tirem de bana coma vosautres !
      L’Alèm Chambaraud.

    • Je soutiens / sosteni

    • Sostèni tabo per la lenga

    • Sosteni de tot cor L’Estivada, dans sa forme originelle de carrefour de la culture et de la création occitanes et non pas comme un de ces innombrables “World Festival-fourre-tout” que l’Estivada risque de devenir… Quina avenidor ?

    • Sostèni, plan segur. La Mairie ne veut pas faire un festival culturel, elle veut faire un marché folklorique. Lamentable.

  1. Je soutiens, sosteni! Sosteni fòrt e mòrt!

  2. Vai que soustene !

  3. tout mon soutien

  4. Soutien total !

  5. Segur que cal que damòra, une nouvelle épopée a bastir…. Sostèn !!!

  6. Plan evidentament, sosteni d’a fons !

  7. Je soutiens!

  8. Je soutiens avec mes 2 bras et plus si je pouvais

  9. Je vous soutien !

  10. Sosten complet ! L’Estivada es indispensabla ! Òm escampa pas coma aquò quasi 25 ans de vida !

  11. Je soutiens aussi, ce nos racines, ne perdons pas tout, on nous en supprime déjà pas mal, vive l’Occitanie !

  12. Je soutiens totalement, pour que vive la culture occitane sur ses territoires. Il n’y a pas assez de festival Occitan alors continuez, bien à vous

    • sosteni lo festival

  13. Polida lenga e festival que nos cal garda en Rodès ! Sosteni !

  14. Bien que le texte soit alambiqué et souvent fumeux, je soutiens la démarche.

  15. Quò rescalfa lo còr !

  16. Ah non, ne nous enlevez pas ces réjouissantes programmations volées à la morosité! Je vous soutiens, haut et fort, artistes, techniciens, bénévoles, un patrimoine vivant en péril de plus…Pécaïre…

  17. J’apporte mon soutien à ce festival, son équipe, son bilan artistique, à une orientation qui, à défaut d’être parfaite car il faudrait plus d’Estivadas réparties sur la zone culturelle occitane, montre un cap réaliste, populaire et tout sauf sectaire, passéiste ou folklorique .

  18. je soutiens parce que l’art et la langue ne sont pas seulement la culture mais l’humain tout entier.

  19. Habitant Montpelhièr, je suis venu, en famille, à l’Estivada depuis qu’elle existe !
    Nous logeons à Rodés même, pendant l’Estivada et ensuite autour
    car nous prolongeons notre séjour pour excursionner et visiter les environs .
    Nous achetons toujours les produits locaux et dépensons localement .
    Je rencontre beaucoup de gens qui font comme nous, profitant de l’Estivada
    pour visiter Rodés, les environs et le Rouergue.
    Participants ainsi à l’économie de l’Aveyron !

  20. Cal totes sosténer L’Estivada !

    Alan Roch, Carcassona

  21. goulamas’k vos sosteni totjorn en davant

  22. Vive la culture humaniste…et qu’( on puisse longtemps danser au son du fifre, auboï et tutti quanti…
    Peace and Love, MACAREL…

    • Qu’un que siá l’avenidor de la lenga d’òc es totjorn uèi un mejan d’expression popular e artistic. L’estivada n’es lo retrach. Cal sosténer.

  23. L’estivada deu contunhar!

  24. De segur que sostèngui !

  25. Segur que sostene e d’a fons!

  26. Sosteni de segur

  27. Sostengui / Je soutiens.

  28. De segur que sosteni l’Estivada ! En mai dei animacions, concerts, taulas redondas, eca… donava vida a la ciutat, un resson que despassava lo despartament e la region, de monde venian de Franca tota e l’Estivada donava de travalh e de plaser en toi. Lu capcans devon revenir sus d’aquesta decision.

  29. De la Catalonha ièu sostèni tanben

  30. Sostèni a 200 %

    • Que cau guardar l’estivada!Que sostengui tanben!

  31. DE SEGUR QUE SOSTENI !!!!

  32. De segur que sostengui

  33. Sostenèm l’estivada ! de Traussa Menerbès

  34. Sostèni! capon de nom!

  35. Sosteni !

  36. Soutien total!

  37. Òsca a l’Estivada (Festenal Occitan Interregional)

    I anarem totes i menarem nòstres eenfants

  38. De segur cal un festenal bel per Occitania. Aquèla veirina es fòrça importanta e es l’escasença de far rescontrar los actors plurals de l’occitan viu.
    Estivada dèu contunhar, e non coma un testimòni de çò qu’èra la cultura nòstra mas coma rendètz-vos de la modernita e de la creacion, amb totes los actors d’ara.

  39. Present a l’estivada de Rodés amb un talhièr Gardarem la Tèrra de 2006 a 2013, e dempuèi pel plaser de viure aquel temps fòrt d’interculturalitat occitana doberta de mai en mai en particular amb los païses catalans, sostèni plan segur l’accion per assegurar son devenir, e me sembla important que demòre mai que mai en país non metropolitan del naut Roèrga

  40. Anem Rodés! Òc per l’Estivada!

    • Sosten, solide. Pr’aquò, tròbi io tanben aquela pròsa pro farlabicada. Sosten, doncas, òc-ben, que n’avèm besonh d’Estivadas… e tanplan de las renovelar ! Los lòcs se bastisson : Rodés èra e damòra una bona causida, mès que caldriá duèrbe l’equipa e lo programa als actors que fan viure aquels ranvèrs e aquelas talveras ! I a una vida, entre dus festenals, e lo trigòs dels creators serà totjorn mai granívol que non pas lo replec d’una comuna sul seu monilh…

  41. Sostèni !

  42. Sosten complet. Que profieitavi tot an de l’Estivada sancèra…que’m demandi: a qui apartien lo nom “Estivada”?

  43. Sosten sens discutida possible a una manifestation unenca per çò que concernìs la lenga nòstra.
    Se d’unes an idèia de suprimir l’Estivada an pas soscat a çò que pòrta aquèla fèsta a la vila de Rodés e a la joinessa avaironesa e regionala quora l’estiu; i a pas res d’un tal nivèl e ne podran anar quèrre una armada de benevòls per far lo trabalh!
    Mas belèu vòlon mestrejar la direccion del festival e ne far quicòm de folcloric per levar de la festa las discutidas, los debats, las proposicions e fin finala la lenga.
    Òc, sosten ferrotge a l’Estivada.

  44. Anem Occitans! Òc per l’Estivada!

  45. Que sostieni l’idea d’un mantien de l’Estivada a Rodés, dab un esperit ubèrt.
    Que m’agrada lo lòc…
    Qu’avem besonh d’un tau endret de hèsta, d’encontres, d’escambis e de pelejas…
    dab un veire de vin a la man.

  46. Sosteno ben segur!

  47. Per l’onor del país sosténer
    e per sa dignitat manténer
    sosteni l’Estivada !

    • Soi pel manten de l’Estivada la mai larga possible,amb una legida totjorn novèla de l’istoria

  48. Gardarem l’estivada !

  49. Cau sauvar l’Estivada! de segur que la sostene ieu tanben!

  50. Sosten a l’estivada!!!

  51. Que vos sostenèm.
    Que sauvaram l’Estivada.

  52. Segur que sosteni l’Estivada !

  53. Sosteni !!!

  54. AML
    oc, que sosteni L’estivada.

  55. Sostenì,per segur: apresa la manifestacìon de Montpelhier passat sos silencì (e l’organizacìon de merda!,desolat!) péls medias,lo non-vota dels senators,ara l’estivada que volàn daissar morir;degus podrìa pas dire que la fin de la cultura nòstra es aquì!!! Aném daissar far???

  56. Qu’éi héit 200 kms entà venguer a l’estivada, que demorèi 5 jorns au camping, lo ser la plaça qu’ éra negra de monde. tot aquo , que’m her hasti.
    De segur que sostengui.
    Lo Claudi d’Aush

  57. L’Estivada es un punt de cristalizacion essenciau, per nautres e per lo monde. Un exemple entre maites : i rescontrère aqueste an una turca jove qu’endralha ara un trabalh sus los trobadors e las trobairitz. Lo passatge en regia municipala risca de menar una “normalizacion” contrària a l’esperit costumièr de l’Estivada. Solide que cau que contunhe !

  58. Cossí sosténer pas quand, demest escòlas e universitats d’estieu, festivals de cultura occitana escampilhats sul territòri occitan, l’Estivada jòga un ròtle federator màger e fa per un moment de Rodés una capitala culturala vertadièra ? Que los responsables ne prengan consciéncia. Ieu,sosteni.

  59. Jo tanben que sostieni. Que sostieni l’importància d’un hestenau interregionau, l’importància de la qualitat d’aqueth hestenau interregionau, l’importància de la qualitat deus espectacles, l’importància deus escambis, l’importància de la convivialitat, l’importància de la gratuitat tau public, e l’importància deus benevòles shens qui, tot aquò ne seré pas possible, ce’m sembla.

  60. La question se pausa pas: sosteni l’Estivada fòrt e mòrt! Un estiu sens Estivada es pas un estiu. Plan mercès al monde que l’an portada fins ara. Sèm totes amb la còla que trabalharà per la reviscolar e la far viure!

  61. Cal sosténer, per segur

  62. sosteni tanben!

  63. De sosten, de sosten, encara de sosten!

  64. Sosteni tanben aquel Festival !!!!

  65. Tiò, sosteni

  66. Jean-Jacques Dutaut-Boué

    Que sustengui aqueth hestenau Occitan de prumèra necessitat.
    Je soutiens ce festival occitan de première nécessité.

  67. Anem,Òc per l’Estivada ! Sosten complet.

  68. Sosteni, de segur que visca la cultura occitana actuala.

  69. Sosten total ! Pour une Estivada qui reste un vrai grand festival interrégional de la culture occitane dans toute sa diversité, ouverte au monde : lo festenal de la Convivénica qu’es totjorn estat !

  70. Alexandra Bousquet,

    “Mon soutien total,militant et actif!”

  71. Lo “Fial de lana” apporte son soutien aux “ESTIVADA” pour que vive la culture occitane.
    Nous n’avons jamais eu l’occasion d’être programmé sur ce festival mais nous sommes prêt à venir “faire dansar lo mundo”, juste pour le plaisir…..
    Salutations
    A lèu !

  72. L’Estivada de Rodès es un eveniment mager de la vita culturala dau sud de Franca, d’Occitània. Los poers publiques an lo dever de sauvar aquela institucion. Gardarem “l’Estivada” !

  73. Sosteni l’estivada a Rodes !!!

  74. Sostien a l’Estivada ! Segur. Non compreni pas perqué la vila de Rodés abandona ua manifestacion d’aquera importància. Que soi segur qu’ac arregretaràn.

  75. Sosteni tanben

  76. Sosteni! E fau obrar!

    • L’Estivada qu’es indispensabla, sosteni d’a fons

  77. Mai que mai sosteni, i a pas tant de festenau com’aquel e lo cal sauvar.

  78. Sosteni l’Estivada!

  79. Per l’onor del país sosténer
    e per sa dignitat manténer
    sosteni l’Estivada !

  80. Sosteni l’Estivada !

  81. Sosteni l’Estivada, Cal continua

  82. Sosteni aquel festenal que es un grand moment de Conviviénça.
    Val continuar per far viure nòstra lenga e cultura occitana.

  83. Sosteni l’Estivada.

  84. Segur que sosteni tanbe l’Estivada

  85. Sosteni l’estivada, plan segur !

  86. Sosteni l’estivada, plan segur !

  87. Osca per l’ESTIVADA !!!

  88. Sosteni l’Estivada !

  89. l’estivado va enfin devenir ce qu’elle aurait toujours dû être : une magnifique vitrine pour nos traditions, notre folklore et notre patois local si cher à nos habitants.

  90. De mon Ardecha de luenh, sosteno tant que pòio.

  91. sostengui l’Estivada qui va durar enqüera longtemps

  92. sosteni dau Puei de doma

Trackbacks/Pingbacks

  1. Suivre l’évolution de la situation de l’Estivada - Estivada - [...] de soutien et cessent d’être le relais officiel de l’organisation du festival. Un communiqué est publié et appelle à ...

Leave a Reply