Estivadas

Sosten al Festenal Interregional de las Culturas Occitanas

FacebookTwitterRssSoundCloud

Las vidèos dels concèrts de l’Estivada de 2015 son en linha !

Una Actu de 20/01/2016 | Pas de comentaris

Òc, es vertat, dempuèi qualques temps relaiam mai que mai de marridas nòvas aquí.

MAS !

Mas podèm çaquelà ensajar de nos far plaser, e de vos far plaser, de vos recompensar del vòstre supòrt e sosten ! Pr’aquò metèrem en linha gaireben 40 extrachs dels concèrts de l’Estivada 2015 sus YouTube. E i a de que far, amb Aspencat, Dupain, Du Bartàs, Doctors de Trobar, Zoo, La Talvera, Ebri Knight, Alidé Sans, Med’in Aqui, Projecte Mut, Artús, Djé Balèti…e quitament qualques bonusses !

Sufís de picar “Play” e de se daissar anar !

N’aprofiecham per mercejar de prestataris-partenaris venguts plan mai que prestataris o partenaris dempuèi que comencèrem a trabalhar amassa en 2010.

Lo primièr es Piget Prod, Amic Bedel e sa còla tota, tantplan coma lo collectiu Dètz, que realizavan cada annada las captacions vidèos, la difuson en dirèct sus las telas grandas e, pel segond, los pichons filmòts risolièrs difusats cada ser a l’entre-platèu. Sens eles, auriatz pas poscut aprofiechar dels concèrts que vos agradèron a qual moment de l’an que siá sus nòstra cadena YouTube o aquí meteis !

Lo segond es ATS, Pascal Roux e sa còla tanben, per tota la part tecnica, lo son e la scèna, las scènas quitament, de l’Estivada sancèra, res de mens ! Un trabalh de titan realizat amb un professionalisme bèl, una tendresa particulara per aqueste festenal, e un engatjament sens falhida als nòstres costats.

Aquestas doás estructuras, pertant avaironesas en tot o partida, foguèron, a nòstra coneissença, e a l’ora d’ara, totjorn pas sollicitadas per formar part de l’Estivada novèla, malgrat lo saber-far demostrat per cadun dins son domèni, mas tanben amassa.

Estivada 2015

Leave a Reply